/WPC технологиор амины орон сууц барих нь/
Герман улсын WPC барилгын технологийг ашиглан амины орон сууц барих үйлчилгээ үзүүлдэг “Люксвүүд Хаус” компанийн зөвлөмжийг хүргэе. Зөвлөмжид жишээ болгон 105м.кв талбайтай амины орон сууцыг барихад тус компанийн үйлчилгээний хөлсөөр тооцсон барилгын материалын хэмжээ, үнэ, ажиллах хүчний зардал зэргийг шингээсэн төсөв, өртгийг тооцоолон гаргасан. Барилгын WPC эко материалыг хувийн орон сууц, үйлдвэр, үйлчилгээний барилга, гадна тохижилтод ашигладаг.
WPC технологийн тухай товчхон
WPC буюу Wood Plastic Composites хэмээх мод-хуванцрын нийлмэл энэхүү барилгын материал нь модны үртэс, хуванцар, чулууны үйрмэг зэргийг үйлдвэрийн аргаар боловсруулан шахаж гаргасан эко технологи бөгөөд барилга барих уламжлалт материал цемент, тоосго, блок, шавар, чулуу, элс, мод зэргийг бүрэн орлож, улирал харгалзахгүй маш богино хугацаанд угсарч болдгоороо давуу талтай.
Энэхүү дүүргэлтийн хавтан нь төмөр бетон болон металл арагт бүтээцэн барилгад угсарч хэрэглэхэд илүү тохиромжтой. Дүүргэлтийн ханын үндсэн бэхэлгээ нь ханын бэхэлгээний зам төмөр буюу “Си” төмөр юм. “Си” төмрийг хана байрлах хэсэгт буюу барилгын арагт хийцийн үндсэн бүтээц болох багана, дам нуруу, шал, таазанд холбож тогтоох ба цонх хаалганы нүх гарах хэсэгт нэмэлт бэхэлгээ хийнэ. Тогтоохдоо металл бүтээцэд гагнаж, төмөр бетон бүтээцэд бетоны хадаасаар буудах, эсвэл тэлэгчтэй шрупээр боож тогтооно. Зам төмөр буюу “Си” төмрийг тогтоосны дараа дүүргэлтийн ханыг аль тохиромжтой хэсгээс нь “Си” төмрөөр гаргасан ховилоор хийж угсарна. Ханыг угсарсны дараа “Си” төмрийн ил гарсан хэсгийг дүүргэлтийн ханатай шрупдэн бэхэлнэ.Бүрэн бэхлэн тогтоосон ханын дотор талд нь дурын хэмжээтэй гипсэн хавтанг шрупдэн тогтооно. Дараа нь дотор өнгөлгөөний ажил хийгдэнэ. Ханын гадна хэсэгт дулаалгын хөөсөнцөр эсвэл эрдэст хөвөнгөөр дулаалж WPC гадна өнгөлгөөний хавтангаар өнгөлж өгдөг. Эсвэл дулаалгын хөөсөнцрөөр дулаалсан тохиолдолд дурын эмульсэн өнгөлөгч материалаар өнгөлж болно.WPC дүүргэлтийн хавтангийн гол давуу талууд:- Галд шатахгүй /Монгол улсын Гамшиг судлалын хүрээлэнгийн лабораторид шинжлүүлэхэд хамгийн өндөр үнэлгээ болох Ш1, Д1, ТҮ1 зэрэглэлийг хангасан байна/
- Дулаан хадгалалт өндөр
- Дуу чимээний тусгаарлалт сайн
- Улирал харгалзахгүй, бетон, шавар ашиглахгүйгээр хурдан угсрах боломжтой
- Хувийн жин бусад материалуудаас харьцангуй бага ϒ = 341.5 кг/м3
Бусад түгээмэл хэрэглэгдэж буй материалуудтай хувийн жингийн харьцуулалтыг уртааш 1м, өндөр нь 2,5м-тэй хананд харьцуулвал:
6. Гадна дүүргэлтэд түгээмэл хэрэглэгдэж байгаа хөнгөн блок болон тоосгон хананаас 12-22см нимгэн тул уртааш 1м хананд ашигтай талбайг 0,12-0,22м2 талбайгаар нэмэгдүүлнэ. Энэ ашигтай талбайн мөнгөн дүнг уртааш 1м хананд гаргавал: Орон сууц, олон нийтийн барилгын 1м2 талбайн ханшийг дунджаар 2,000,000₮ гэж үзвэл 1м урт хана бүхий хэсгээс 120,000- 220,000₮-ийн ашигтай.7. Газар хөдлөлтөд өрөгт бүтээцүүдээс харьцангуй тогтвортойгоос гадна нимгэн, жин багатай учир аюул багатай.
8. Тээвэрлэхэд хялбар, барилгын өргөтгөл хийх, цонх хаалга нэмж гаргах, даац авах бүрэн боломжтой.
105м.кв энэ байшингийн гадна ба дотор тусгаарлалтын ханыг WPC ханын хавтангаар дүүргэж, WPC фасадаар өнгөлөхөөр тооцоо хийгдсэн. Цонх, хаалга, сантехникийн бусад материалыг зах зээлийн дундаж үнийг сонгон тусгалаа.
“Люксвүүд Хаус” ХХК нь Улаанбаатар хотод захиалгаар АОС барихдаа түлхүүр гардуулах нөхцөлтэй буюу дотор засал, сантехник, цахилгааны холболтууд хийгдсэн байшинг нэг м.кв-ыг нь 980,000₮-өөр барьж гүйцэтгэдэг байна. Үүнд байшингийн гаднах инженерийн холболт багтаагүй болно.Эх сурвалж: http://news.barilga.mn/
Leave a Comment