Гадаад дотоодын хөрөнгө оруулалтыг эх орондоо татаж ажлын байр олноор бий болгон түүнийгээ тогтвортой хадгалах бодлого баримталж ажилчидаа байнгын орлоготой, амьжиргааны түвшин нь өсөлттэй байхыг дэмжих нь аливаа компанийн нийгмийн өмнө хүлээх томоохон хариуцлага билээ.

Бидний эрхэлж байгаа бизнесийн бүхий л үйл ажиллагаа нийгэмд үр өгөөжтэй, байгаль орчинд сөрөг нөлөөгүй байх зарчмыг дээдэлж, холбогдох хууль тогтоомжуудыг сахин биелүүлж, юуны өмнө нийгэм, байгаль орчинд үзүүлэх нөлөөллийг анхааран олон улсын орчин үеийн стандартад нийцсэн техник, технологийг оруулж ирэн ашиглахыг зорьдог билээ.

Олон улсын стандартчиллын байгууллагаас нийгмийн хариуцлагын ISO 26000 стандартыг боловсруулан 2010 онд баталгаажуулсан байдаг. ISO 26000 нь удирдлагын системийн стандарт биш бөгөөд аливаа нэг шаардлага агуулдаггүй ба ямар нэг гэрчилгээ олгож баталгаажуулалт хийх нь энэхүү олон улсын стандартчлалд хамааралгүй болно. ISO 26000-ийн зорилго, цар хүрээний тухайд:

• Өөрийн байгууллагын үйл ажиллагаа, гаргасан шийдвэрийн нийгэм, байгаль орчинд үзүүлэх нөлөөний талаар бүрэн хариуцлага хүлээх;
• Нийгмийн сайн сайхан, тогтвортой хөгжлийг хангахад үйл ажиллагаагаа чиглүүлэн ил тод нээлттэй явуулах;
• Бизнесийн ёс зүйг эрхэмлэн дээдлэх;
• Бизнест хамааралтай оролцогч талуудын хүлээлт, ашиг сонирхлыг эхний ээлжинд тавих;
• Хууль болон Oлон улсын бизнесийн норм, хэм хэмжээг эрхэмлэн сахих;
• Байгууллагынхаа үйл ажиллагааг гадаад орчинтой нягт уялдуулан зохицуулах явдал юм.

Oлон Улсын хэмжээнд компанийн нийгмийн хариуцлагын хүрээнд дараах ойлголтуудыг зайлшгүй оруулах ёстой гэж үздэг. Үүнд:

• Бизнесийн ёс зүйг эрхэмлэн дээдлэх
• Oлон нийтийн эрүүл мэнд, аюулгүй байдал
• Байгаль орчинг хамгаалах
• Хүний эрхийг хүндэтгэн биелүүлэх
• Тогтвортой хөгжлийг хангахад хувь нэмрээ оруулах
• Ажлын нөхцөл байдлыг сайжруулах
• Салбарын уялдаа холбоо, хамтын ажиллагаа
• Нийгмийн үйл хэрэг, хөрөнгө оруулалт, хөгжил цэцэглэлтэд оролцох
• Олон үндэстний соёл, уламжлалыг хүндэтгэн үзэх
• Ивээн тэтгэлэг, хандив туслалцаа үзүүлэх
• Хэрэглэгчдийн сэтгэл ханамжийг дээшлүүлэх
• Шударга өрсөлдөөний зарчмуудыг баримтлах
• Авилгал, хээл хахуулиас ангид байх
• Хариуцлага, ил тод байдал, гүйцэтгэлийн талаар тайлагнадаг байх
• Гадаад дотоодын нийлүүлэгч, түншүүдтэй эрх тэгш харилцаа холбоо тогтоох

Эдгээр үйл ажиллагаа нь хоорондоо харилцан уялдаа холбоотой бөгөөд дэлхийн аль ч улс оронд үйл ажиллагаа явуулсан зайлшгүй анхаарах асуудлууд юм.